Duagasut limapulo a violator iti nakemmeg iti umuna a lawas a pannakaipatungpal ti gun ban iti pagilian para ti midterm elections kas kinuna ti Philippine National Police (PNP).
Segun ti PNP, dayta ket gappuanan pay iti pannakakumpiskar iti 255 a paltog.
Maibasar iti listaan ti PNP, kaadoan a nakemmeg a violator ket idiay Metro Manila ken Central Luzon ta sag-innem a pulo ket innem-da, sarunwen iti Central Visayas a tallopulo ket maysa.
Karaman kadagiti nakemmeg dagiti dua a foreign nationals, maysa a suldado ken dua a miembro iti sabali pay a law enforcement agencies, ngem kaadoan ket sibilian.
Adda pay walo a security guards a nakemmeg iti Ilocos Region, Cagayan Valley, Central Luzon, Calabarzon, Eastern Visayas, Northern Mindanao, Caraga, ken Cordillera Administrative Region.
Manipod iti 255 a naala a paltog ket 115 iti revolver, pitopulo ket maysa iti pistol, innem iti shotguns ken innem iti explosive materials.
Ti rehiyon a kaadoan a naalaan iti paltog ket idiay NCR babaen iti innem a pulo ket pito a paltog a nakumpiskar ken sinaruno iti innem a pulo ket innem a paltog a naala idiay Central Luzon ken tallopulo ket maysa idiay Central Visayas.
