Pinasingkedan ti Land Transportation Franchising and Regulatory Board (LTFRB) nga umaboten iti nasurok P98 million ti naiwaras a fuel subsidy kadagiti taxi operator ken driver iti agduduma a paset iti pagilian kas tulong iti gobierno iti baet iti nangina a presyo iti langis.
Segun ken ni LTFRB Chairperson Vigor Mendoza II, dakkel a paset ti cash assistance ket naiwaras iti Central Office idiay Quezon City, sumaruno dagiti rehiyon iti Davao, Central Visayas, ken Western Visayas.
Kinuna ni Mendoza nga agtultuloy iti koordinasyon iti ahensya kadagiti transport service entities ken operators tapno masigurado a naurnos ken nadaras iti distribusyon iti ayuda kangrunaan kadagiti lugar nga adda dadakkel a siudadna.
Naibilin payen ti nadardaras a panagiwaras iti nabatbati a subsidy iti dadduma pay a public utility vehicle drivers kasaruno ti bilin ni Pres. Ferdinand Marcos Jr.
