--Ads--
VIGAN CITY- Mangnayon ti pagpuunan ken negosyo ti United Arab Emirates iti pagilian gapo iti napintas nga investment climate iti Pilipinas kas pinasingkedan ni UAE Foreign Minister Sheikh Abdullah bin Zayed Al Nahyan kalpasan a nagcourtesy call isuna kenni Pres. Ferdinand Marcos Jr idiay Malakanyang .
Segun kenni Abdullah, ado pay a banag ti mabalin a mailukat ti dua a pagilian a mangpatibker ti langen-langenda.
Inaig dayta, binigbig ni Sheikh ti dakkel nga ambag ken suporta dagiti mangmangged a Pilipino idiay UAE.
Kabayatanna, agyamyaman ni Pres. Marcos kenni Abdullah iti panangtulongda kadagiti Pilipino nu adda krisis weno didigra.
-- ADVERTISEMENT --
