Imbilin ni Acting Secretary Giovanni Lopez iti Land Transportation Office (LTO) ti tungpal biag a pannakakanselar ti lisensya ti UV Express driver a nangarado iti sangapulo ket uppat a lugan iti Commonwealth Avenue idiay Quezon City.
Maysa a motorista iti naireport a natay idinto a sangapulo ket tallo iti nadunor.
Iti imbestigasyon ti Quezon City Police District ken LTO, immamin ti UV Express driver a ni Ruel Flores Dela Cerna a nagarmat iti shabu idi Huebes iti rabii, mano laeng nga oras sakbay iti nasao nga insidente.
Impaganetget ni Acting Secretary Lopez a saan nga yalengt-aleng ti Department of Transportation (DOTr) dagiti reckless driver nangruna kadagiti agar-aramat ti droga nga agmanmaneho a gappuanan ti panagpeggad dagiti dadduma a motorista ken commuter.
Nakaibalud itan ni Dela Cerna iti Quezon City Police District ken sangwenna iti agtutuon a kaso.
Binilin payen ni Lopez ti Land Transportation Franchising and Regulatory Board (LTFRB) nga ingetan iti pannakaipatungpal ti Department Order 2025-008 a mang-obligar kadagiti operator iti pampubliko a lugan a dumalan iti mandatory drug testing dagiti driver, ken kompletoen ti Implementing Rules and Regulations-da.
