Madanagan ti prosecution team House of Representatives para iti impeachment trial ni Vice President Sara Duterte mainaig iti gakat a palubosan ti remote participation dagiti senador kadagiti proceeding ti Senado.
Pinasingkedan ni prosecution team spokesperson at Lanao del Sur Rep. Zia Alonto Adiong a raraemen da ti Senado kas co-equal body ken impeachment court ngem mabalin a maapektaran ti online participation ti “integrity and solemnity” ti impeachment trial.
Segun ken ni Adiong, napalubosan laeng idi panawen ti COVID-19 pandemic ti remote participation ngem awan met ti aniaman nga extraordinary situation ita panawen tapno maipatungpal ti nadakamat a banag.
Maipalagip nga idurduron da Senador Joel Villanueva ken Senador Alan Peter Cayetano ti mosion ni Senador Rodante Marcoleta para iti remote voting.
