VIGAN CITY- Dead on arrival ni Raphael Hipolito Elefante, agtawen ti uppat a pulo ket innem, stay-in truck driver ti Palomares Construction iti ili ti San Ildefonso nga agnaed iti Barangay Alinaay , ili ti Cabugao ta napaltugan.
Segun iti San Juan PNP Station, nakaawatda ti report nga adda pammaltog a napasamak iti paset ti National highway iti Barangay Immayos Norte , San Juan ket idi dinanonda ti lugar, nakitada ti biktima nga adda tama na ti paltog a sigod a naipan iti Pira Hospital, Cabugao ngem saanen a nakalasat.
Basar ti inisyal nga imbestigasyon, naggapo iti trabahona ti biktima nga agawid idiay Alinaay, nakalugan iti motosiklona a Motorstar 155 ngem idi nadanonna ti lugar a nakapasamakan ti insidente, pinaltugan isuna ti saan pay nabigbig a suspek a nakalugan ti motorsiklo a sumarsaruno kenkuana.
Namitlo a daras a napaltugan ni Elefante a rason iti umuna a pannakadisgrasya na iti daya a paset ti shoulder ti national highway.
Nakita iti crime scene ti tallo a nausar a bala ti saan pay nabigbig a paltog, cellphone, valuable items kas alahas ken kuarta ken identification cards.
Manarimaanen ti hot pursuit operation dagiti pannakabagi ti linteg para iti posible a pannakakemmeg dagiti suspek
