Vigan City – Pinasingkedan ni Dr. Trina Tabboga Talaga a dumalan ti rapid testing dagiti nakapulapol ti nagpositibo iti covid-19 a maysa a nurse nga agtawen ti tallo pulo ket tallo nga agnaed idiay Sta. Cruz idi kalman.
Segun kenni Dr. Talaga, ti nasao a pasyente ket asymptomatic ngem gapu iti pannakarikna na ti pancreatic edinoma wenno iti sakit iti tiyan na ken naibaga kenkuna nga agpa-operar ket dita a naduktalan a positibo isuna iti covid-19.
Saan pay laeng a naisayangkat iti operasyon ti pasyente ta akas protocol ti ospital maalan pay daytoy nga umuna iti swab test sakbay a dumalan iti operasyon.
Kabayatanna, pinalagipan ni Dr. Talaga ti publiko iti panagannad ta saan a makita iti agraira a sakit isu a nasaysayaat laengen no agtalinaed iti uneg iti pagtaengan no man bilang nga awan iti napateg a papanan.
