VIGAN CITY – Tallo a kapitan ti barangay iti Ilocos Sur ti nairaman kadagiti walopulo ket siam a sinuspenso ti Office of the Ombudsman gapu iti anomalya iti panagiwarasan iti umuna a paset ti Social Amelioration Program.
Dagiti kapitan ket isu da Jason Dominguez iti Barangay Nagsayaoan, Sta. Maria; Marino Cabados Cirilo, Sr. Iti Barangay Cadacad, Narvacan ken ni; Antonio Delos Santos iti Brgy Laslasong West, Sta. Maria.
Posible a maikkatdan iti puesto gapu iti kinaulbod, grave misconduct, abuse of authority ken conduct prejudicial to the best interest of the service a sangsangwenda.
Kaaduan kadagiti nasuspenso ket manipud ti National Capital Region, Region 1 ken Region 2.
Ingunamgunam ni DILG Sec Eduardo Año a ti pannakasuspenso dagiti nasao nga opisial iti innem a bulan ket agserbi a a palagip ken ballaag iti amin tapno sumurot kadagiti paglintegan.
