VIGAN CITY- Ibilang ni Police Superintendent Dexter Paredes a cleared iti kaso ti panagtakawan iti 2 Brothers grocery store idi naminsan nga aldaw ngem saan pay a “case solved” ta siwawaya pay laeng dagiti suspek ta maipila pay laeng itatta nga aldaw iti kaso kontra kadakuada.
Segun ken ni Paredes, nakaala da iti search warrant iti korte tapnu mapan da kuma kumpiskaren dagiti natakaw nga item iti pagtaengan ti maysa kadagiti kangrunaan a suspek, karamanen ti dua a CCTV recorder nga innala na ngem nagnegatibo iti resulta ti nasao nga operasyon.
Inbuksilan ti hepe a ti kangrunaan a suspek iti nasao a panagtakawan ket siguden nga adda kaso na a farricide ngem nakapagpiyansa laeng ken maysa a drug surrenderee.
Dakkel met iti pammati ti opisyal nga adda koneksyon dagiti suspek a nagtakaw iti grocery store ken dagiti dua nga insidente iti panagtakawan met laeng naminsan nga aldaw idiay Pantay Daya ken Tamag, Vigan City.
