Maysa ti nadangran iti pannakadungpar ti mini bus iti kuliglig idiay Barangay Baliw, ili ti San Juan.
Ti nagmaneho ti kuliglig ket agtawen ti uppat a pulo ket dua, mannalon, residente ti Barangay Dardarat ti nadakamat t nga ili.
Ti met nagmaneho ti mini bus ket agtawen ti tallopulo ket dua, residente ti Barangay Cael-layan, Cabugao, Ilocos Sur.
Basar iti CCTV footage, agpada nga agpapa-abagatan dagiti dua a lugan a ti kuliglig ket adda iti shoulder lane a gandat na nga agpakannigid.
Idi nagteng da ti nakapasamakan ti insidente, nag-overtake ti mini bus iti sabali a lugan ket dita a nadungpar na ti kuliglig.
Nadunor iti agduduma a paset ti bagi ti nagmaneho ti kuliglig a naipan iti balay pagagasan para ti naan-anay a pannakatamingna idinto a saan a naan-ano ti drayber ti mini bus.
