Sakit iti bagbagi iti sinagaba dagiti dua nga estudyante a nagkalugan iti motorsiklo kalpasan iti pannakaidungparda ti pick-up truck iti national highway idiay Barangay Barangobong, Sta. Lucia, Ilocos Sur itay, May 28, 2026.
Ti nagmaneho ti Red silver Honda CB150XN ket agtawen iti sangapulo ket walo, holder iti non-professional driver’s license; kaduana ti back ride-na nga agtawen iti sangapulo ket lima nga agpada nga agnaed idiay Barangay Lamag, Quirino.
Ti nagmaneho met iti puraw a Toyota Hilux ket lalaki nga agtawen iti duapulo, medicine distributor agent, holder iti non-professional driver’s license nga agnaed idiay Dampulan, Jean, Nueva Ecija.
Maibasar iti CCTV footage, agturong iti bagatan a direksyon ti motorisklo idin nadanonda iti nasao a lugar, ti pick-up truck ket nakaposisyon iti southbound shoulder iti kalasada a nakasango iti bagatan ken agsikko iti U-turn.
Bayat iti panagsikkona ket napaay ti driver ti motorsiklo a nangkontrol ti manibelana isu a naidungpar iti pick-up truck.
Gapu dayta ket nagsagaba iti sakit ti bagbagi dagiti dua a nagkalugan iti motorsiklo idinto a saan a naan-ano ti driver ti pick-up truck ngem agpapadada a naipan iti Ilocos Sur District Hospital – Sta. Lucia para iti medical examination ken pannakataming.
