VIGAN CITY – Addan ti suspek a naidarum iti kaso a murder inaig iti pammagkong idi April 17 a nakatayan ni Rogelio Torrena Jacob nga agtawen iti tallo pulo ket siyam, naasawaan ken agnaed idiay Cabigbigaan, Sto. Domingo.
Segun ken ni Police Captain Christopher Ramat, hepe ti Sto. Domingo municipal police station, ti suspek iti krimen ket ti ama ti maili-link ken ti biktima a babai a taga-Puro, Magsingal kas maibasar iti testimonya dagiti tallo a timmakder a testigo iti pasamak.
Uray pay kasta, awan pay laeng iti kustodiya ti Sto. Domingo PNP ti suspek gapu ta idi dua wennu tallo nga aldaw kalpasan a naipila iti kaso kontra kenkuana ket mapapati a naglibasen ti suspek ket agingga itatta, saan da pay a nasarakan.
Maipalagip a nagsagaba iti sangapulo ket innem a dunor iti naduma-duma a paset iti bagi na ti biktima babaen iti ice pick nga inaramat ti suspek, sabali laeng iti dunor iti tengnged na ta mapapati a nginurungor pay ti suspek babaen ti kitchen knife a nasarakan iti nakapasamakan ti krimen.
