Plano dagiti supporters ni dati a Presidente Rodrigo Duterte nga agisayangkat ti kilos-protesta kagiddan ti maika-40 nga anibersaryo ti EDSA People Power Revolution inton bigat, Pebrero 25.
Adda kabuklan a 13, 448 a kameng ti kapulisan ti mai-deploy para ti panagrambak ti EDSA anniversary idiay Metro Manila.
Pinasingkedan ni National Capital Region Police Office (NCRPO) spokesperson Police Major Hazel Asilo a nakaalan ti permit para iti prayer vigil ken indignation rallies ti Trillion Peso March Movement, Tindig Pilipinas, ATOM organized by Caritas, ken Akbayan party-list iti White Plains Avenue ken Temple Drive.
Iti permiso manipud ti Quezon city government, immanamong dagiti grupo nga usaren ti maysa a venue ken maysa nga stage nga adda maximum na a 20, 000 attendees.
Maiparit ti agusar ti vape, sigarilyo, plastic ken Styrofoam iti event ken agtalinaed a no rally zones ti Mendiola ken Malakanyang areas.
