--Ads--
Pinalubosan ti International Criminal Court Trial Chamber II iti panag-atras ni Atty. Nicholas Kaufman kas abogado ni dati a Presidente Rodrigo Duterte iti sangsangoen na a kaso a crimes against humanity.
Impila ni Kaufman ti kiddaw idi Mayo 8 kalpasan a nag-decision ni Duterte a mangala ti baro a counsel para iti depensa mainaig iti war on drug case.
Segun iti mosion, nakapatangen ni Kaufman ti agbalin a kasukat na ken nakasagana nga i-representar ni Duterte pakairamanan ti panagatendar iti sumaruno nga status conference inton May 27.
Nupay kasta, binagaan ti Korte ni Kaufman iti obligasion na iti salinong ti Code of Professional Conduct ken confidentiality rules ti Rome Statute ken Rules of Procedure and Evidence.
-- ADVERTISEMENT --
