Maidurduron ti pannaka-iraman ti ‘super wet ken super dry season” iti climate cycle a banbantayan ti pagilian.
Segun ken ni Climate Change Commission (CCC) Senior Commissioner Albert dela Cruz, saan laeng a ti panawen ti panaginit ken panagtudo ti napadasan ken naobserbaran ti Pilipinas idi napalpalabas a tawen.
Pinasingkedan ti opisial, a kalaksidan ti “dry” ken “wet” season, nasken a maikonsiderar ti “super dry” ken “super wet” season para iti panangbukel ti patakaran nga adda dakkel nga epekto na iti panangrisut ti problema mainaig iti panawen.
Impaganetget ti CCC a makibinnulig-da iti Philippine Atmospheric Geophysical and Astronomical Services Administration ken dadduma pay a maseknan nga ahensia mainaig iti nasao a banag. Reynand Fontejon
