VIGAN CITY – Pinasingkedan ni Bombo International Correspondent Lydia Dela Cueva a maysa nga Overseas Filipino worker idiay Brazil nga imandato iti Brazil Government iti panagited latta iti sueldo dagiti tagibalay nga adda iti nasao a pagilian.
Segun kenni Dela Cueva, dagiti amoda pay laeng iti makaammo iti sueldoda iti dua a bulan ta adda iti pinermaanda a katulagan a naggapu iti gobierno ken maipaima pay la kadakuada iti sweldo agingga maleppas iti nasao a krisis gapu iti covid-19.
No saan a maleppas pay iti covid-19 ket agtultuloy latta iti panangsuporta kadakuada dagiti amoda ta no saanda a sumurot ket mabalin a pakadusaanda.
No man bilang nga ipatuloden ti gobierno iti Brazil iti tulong kadagiti agnanaed iti nasao a paglian ket dita nga alaen met laeng iti amoda iti naipan iti account-da a kasukat iti intedda a sweldo kadakuada.
Kabayatanna, pinasingkedan pay ni Dela Cueva nga adu ti agindeg iti nasao a pagilian a saan a sumursurot iti pagannurotan ta adda dagiti saan latta nga agar-aramat iti face mask ken saan a sumursurot iti social distancing.
