Nagbakwit dagiti estudiante ti Santa Lucia Academy, Barangay Barangobong, Santa Lucia, Ilocos Sur gapu iti pangta ti bomba.
Nagreport ni Saulpythias Foronda Crisologo, agtawen iti tallopulo ket innem, School Principal, taga-Ayusan, Sta. Lucia iti Sta. Lucia Police Station a ti SLA Facebook page account ket nakaawat iti pangta ti bomba iti pagadalan babaen iti SMS nga impatulod ti maysa a managan iti Ryohei Bans wenno Karil Zordic.
Iti pannaki-uman ti Bombo Radyo Vigan ken ni PLT Richard Pajo, alas sais kuatro iti November 22, 2024 idi naawat ti bomb threat, a ti kuna ti sender ket adda impanna a bomba iti SHS ground – walo iti Garlem building ken TLE room, ken uppar iti guidance office.
Innayon ti sender a dagiti bomba ket bumtak iti eksakto alas dyes iti bigat idi kalman.
Nagpangta pay nga awan ti agpakaammo kadagiti pannakabagi ti linteg ngem nupay kasta, nagresponde a dagus ti Sta. Lucia Police Station tapno kitaen ti kinaagpayso ti report.
Nakordonan tiu lugar, napakaamoan ti EOD Candon City, BFP Santa Lucia, MDRRMC ken 2nd PMFC.
Naisayangkat met ti paneling ken clearing operation iti nasao a pagadalan.
