Nagballaag ti Department of Health (DOH) ti publiko kontra kadagiti peke a social media posts a mangibagbaga a dagiti dagum a mausar iti blood test ket kontaminado iti human immunodeficiency virus (HIV).
Inbingay ti DOH ti screenshot ti social media post, a nangibaga a dagiti tattao a nagpapaammo a kameng ti makunkuna a “Faculty of Medicine” ket sumarsarungkar kadagiti pagtaengan tapno mangidiaya iti blood sugar tests, ken nadakamat pay ti social media material a dagiti dagum a mausar iti blood sugar test ket kontaminado iti HIV, a pakaigapuan ti immunodeficiency syndrome (AIDS).
Ti screenshot ti social media post ket agiwarwaras iti saan nga usto nga impormasion, segun iti Department of Health (DOH).
Immapela ti ahensia iti publiko a saanda nga agibingay ti unverified information a mabalin a mangitunda ti panagbuteng dagiti tattao.
Innallukoyda pay ti publiko a mangala laeng iti impormasion manipud kadagiti lehitimo a sources ken plataporma.
