Nakemmeg ti maysa a content creator idiay Brazil ta naammoan iti imbestigasyon dagiti otoridad nga aramidna laeng iti kidnapping kenkuana kadua iti sumagmamano nga armado a lalaki.
Idi April 21, 2025, imbingay ni Monniky Fraga a mapapati a makapadanag a kapadasanna iti asawana a ni Lucas ta mapapati a linapdan ida dagiti armado a lalaki iti asideg iti pagtaenganna ken naipanda iti kabakiran ken pinangtaan a papatayen no saan nga agbayad.
Nawaya-wayaanda laeng idi nangted ti kuarta ti pamiliana ket kalpasan iti insidente, nagderetso kadagiti otoridad ti nabugbog a ni Lucas tapno pormal nga agreklamo.
Ngem naduktalan iti imbestigasyon ti Special Operations Group a ti phone records ket consistent ti komunikasyon ni Monniky iti maysa pay kadagiti kidnapper sakbay ken kalpasan iti krimen.
Segun kadagiti otoridad, nagtulagan laeng ti influencer ken dagiti suspek ti nasao a pasamak ket ti pudno a biktima ket ti asawa ni Lucas ta namati a nagpeggad iti biagda.
Nakemmeg ni Monniky iti kaso nga extortion, procedural fraud ken filing a false police report karamanen dagiti kinakunsabusna.
