VIGAN CITY – Kwinestyonaran ti farmers group a Samahang Industriya ng Agrikultura (SINAG) no apay a saan pay a limmaka ti presyo ti bagas uray no imbilinen ti gobierno ti panangbaliw iti import duty rates.
Segun ken ni SINAG President Rosendo So, makita iti monitoringda a ti presyo ti well-milled rice ket umabot iti PHP43-PHP44 kada kilo, idinto a ti regular milled rice ket PHP42.
Iti met monitoring ti Department of Agriculture, makita a ti presyo ti bagas idiay Metro Manila ket PHP47-PHP65 kada kilo para kadagiti imported commercial rice, ket manipud iti PHP45-PHP65 kada kilo para iti commercial rice idi June 27, 2024 depende iti variety-na.
Kasaruno daytoy iti panangiyulog ni Presidente Ferdinand Marcos Jr iti Executive Order 62, ti tariff rates para iti bagas iti 15 percent agingga 2028 manipud iti dati a 35 percent.
