Binilin ti Department of Education dagiti pampubliko a pagadalan a mangisayangkat iti simple ken nalaka a graduation ken moving-up ceremonies para iti School Year 2025 – 2026 tapno makainut iti gastos dagiti pamilia.
Iti salinong ti DepEd Memorandum No. 015 series of 2026, maiparit ti panagsingir iti mabayadan kadagiti agad-adal para iti panagturposda.
Segun ken ni Education Secretary Sonny Angara, gagemda a kissayan ti paggastusan dagiti nagannak nangruna ita a nangina dagiti magatang ken plete.
Impaganetget ti DepEd a nasken a saan a nakabasar iti kabaelan nga agbayad ti panagturpos no di ket ad-adda ti inklusibo a seremonia.
Maal-allukoy dagiti pagadalan a maisayangkat ti seremonia iti uneg ti pagadalan wenno covered court tapno makaliklik iti gastos.
Inlawlawag pay ti ahensia a saan a nasken nga aramiden a requirement dagiti aktibidad kas dagiti field trip ken prom.
