Nadundunor dagiti siam a tattao iti panagdinnungpar ti dua nga SUV iti national highway idiay Barangay Lapting, San Juan, Ilocos Sur idi alas tres disi otso iti malem idi kalman idiay February 6, 2025.
Segun ti San Juan Municipal Police Station, ti nagmaneho ti puraw a Toyota Veloz ket ni Julie Ann Nebab Ibay, agtawen iti uppat a pulo ket innem, naasawaan, holder iti driver’s license nga agnaed idiay B1 L5 RHP Subdivsion North Winds PH1 Palmera Kaypian, San Jose, Del Monte, Bulacan; kaduana da Jillian Clarisse Ibay ken Raniel Ibay.
Ti nagmaneho met iti brown Toyota Rush ket ni John Patrick Llerena Mandanas, agtawen iti duapulo ket pito, holder iti driver’s license nga agnaed idiay Cawong Pantay, Calaca, Batangas; kaduana da Mara Salac, agtawen iti duapulo ket maysa; Sharen Mae Paraiso, agtawen iti duapulo ket innem; Shiela Pisigan; Gloria Delos Reyes; Shyrona delos Reyes nga agpapada nga agnaed idiay Calaca, Batangas.
Agpapaamianan a direksyon ti Toyota Veloz idin nakadinnungparna ti agpapabagatan a Toyota Rush nga immagaw iti linya.
Amin a nakalugan ket agpapada a nadunor isu a naipan iti agduduma a medical service units iti Rural Health Unit LGU idiay San Juan Pira Clinic and Hospital ken Suero General Hospital idiay Cabugao.
Nupay kasta, saan pay nga ammo nu mano iti gatad iti nadadael a paset dagiti lugan.
