Natay ti senior citizen a backrider ti motorsiklo iti napasamak nga aksidente iti national road ti Barangay Lubing, Burgos, Ilocos Sur.
Ti drayber ti motorsiklo ket maysa a babai nga agtawen iti tallopulo ket pito, backride-na ti babai nga agtawen iti innem a pulo ket innem, agpada a taga-Barangay Apatot, San Esteban.
Iti pannaki-uman ti Bombo Radyo Vigan ken ni Police Captain Allan Reoliquio, nasalog ti kalsada ken awan ti preno ti motorsiklo a nagluganan dagiti 2 a babai.
Idi madlaw ti drayber nga awan preno ti luganda kabayatan ti isasalogda ket pinadasna nga indungpar iti mountainous part ti kalsada ngem isu met ti pannakaidarusdosda a nangitunda iti pannakadunor ti nadumaduma a paset ti bagida.
Mapapati a napigsa ti impact ti aksidente ta naikkat ti helmet dagiti nagkalubbon.
Naipaagas dagiti nagkalubbon iti ospital para iti pannakatamingda ngem saanen a nakalasat ti backrider gapu iti mapapati a napigsa a pannakaitama ti ulona ken fracture iti nadumaduma a paset ti bagina.
