Impakaammo ni Senate President Pro Tempore Panfilo Ping Lacson a nasken a maikkan ti gundaway da Senador Ronald “Bato” Dela Rosa ken Bong Go nga usaren amin a legal remedy mainaig iti posible a kaso a sangsangoen da iti International Criminal Court (ICC).
Segun ken ni Lacson, nasken nga i-respeto dagiti lokal a korte ken proseso ken nan-anay a proseso iti Pilipinas iti aniaman nga addang a mabalin nga isayangkat ti ICC, kasaruno ti pannakadakamat da Go ken Dela Rosa kas co-perpetrators iti kampania ti ilegal a droga ti dati nga administrasion.
Inlawlawag ti senador a no adda iruar a warrant of arrest ti ICC wenno aniaman a foreign court, masapul a dumalan kadagiti lokal a korte nga isu ti mangiruar ti bilin sakbay a maipatungpal iti pagilian.
Innayon pay ni Lacson a pagpatangan ti Senado dagiti posible nga addang pakairamanan ti aniaman a tulong a maited kadagiti dua a senador.
