Idurduron ni Senador Jinggoy Estrada ti pannakapaatiddog ti unemployment benefit ti Social Security System (SSS) kas nayon a safety net para kadagiti mangmangged a naawanan ti trabaho gapu iti layoffs, retrenchment wenno panagserra ti kompania, pakairamanan dagiti overseas Filipino Workers nga apektado ti tension idiay Middle East.
Kayat ti senador ti pannakapaatiddog ti unemployment benefit ti SSS tapno umabot iti agingga innem a bulan manipud iti agdama a dua a bulan, katukad ti 50% average monthly salary credit ti miembro.
Iti salinong ti impila na a Senate Bill No. 1070, ti kaatiddog ti tulong a maawat dagiti miembro a naawanan ti trabaho ket maibasar iti tawen ti panagitinnag da iti SSS.
Dagiti miembro a saan a nakatinnag ti saan a bumaba iti maysa a tawen ket makaawat ti cash assistance a katukad ti one-third ti maipatpatungpal a binulan a minimum wage.
