--Ads--
Pinaglibakan ni Senator Francis Chiz Escudero a dinawat na ti posision kas presiding officer iti impeachment case kontra ken ni Vice President Sara Duterte.
Pinasingkedan ni Escudero a Binotosan isuna ti mayorya ti senator-judges kas presiding officer babaen ti botos a 12-8.
Impaganetget ti senador ti kinapateg ti panagbalin a patas ken awan ti pabpaboran na iti trial.
Impalagip na kadagiti kadua na a senator-judges a ti impeachment ket saan nga entablado para iti personal nga atake wenno panagibales iti politika.
-- ADVERTISEMENT --
Inallukoy na ti agsumbangir a kampo ti prosekusyon ken depensa a lumiklik iti panangted ti statement iti publiko bayat a mannarimaan ti trial ken ag-pokus laeng iti merito ti kaso.
