Nagsarita ni Senador Bong Go iti akusasion kontra kenkuana ti Office of the Prosecutor ng International Criminal Court (ICC) nga innaganan da isuna kas co-perpetrator wenno kakontsabos ni dati a Presidente Rodrigo Duterte iti kaso a crimes against humanity nga adda pakainaiganna iti war on drugs.
Pinasingkedan ni Go a tatta na laeng nga ammo dagiti akusasion a maibati-bato kontra kenkuana a nakaipalaon iti redacted version ti Document Containing the Charges nga inruar ti ICC manipud iti Office of the Prosecutor.
Pinaglibakan ti senador dagiti alegasion ta awan ti basaran, saan a patas ken awan ti pakainaigan ti akem ken responsibilidad na idi nagserbi isuna kas Special Assistant ni dati a presidente Duterte manipud Hunyo 2016 agingga Oktubre 2018 kasta met ti panagbalin na nga Executive Assistant to the Mayor ti Davao City manipud 1998 agingga 2016.
Binabalaw pay ni Go dagiti madi nga akusasion a nagserbi isuna a Chief of President Management Staff gapu ta saan na nga iniggaman ti nasao a posision kaano-man.
