Mangnamnama ni Senate President Chiz Escudero a madakamat ni Presidente Ferdinand Marcos Jr iti maikatlo nga State of the Nation Address na ti husto a kasasaad ti pagilian.
Iti baet ti panagsagana nga ar-aramiden ita ti kongreso para iti SONA ti presidente inton July 22, kinuna ni Escudero a kas kadagiti umili ket kayatna a mangngegan no ania ti pagluglugaran ti pagilian, ken no ania a direksyon ti turongenna kadagiti sumaruno a tawen.
Innayon ni Escudero a kayatna a maited ti presidente ti listaan dagiti gakat a kayatna a matutukan, maadal ken makita a nalaing ti kongreso sakbay a malpas ti third regular session ti 19th Congress inton 2025.
Daytoy ti umuna a SONA nga agpreside ni Escudero kas Senate President isu a sanayenna metten dagiti nasken nga aramidenna.
Malaksid iti SONA ket sagsaganaan pay ti senado ti aggiddan a panaglukat ti sesyon ti senado ken kamara.
