Binabalaw ni Senador Risa Hontiveros ti panangiraman kadagiti minority senator iti likodan ti panggep a panangkemmeg ken ni Senador Bato dela Rosa.
Inlawlawag ni Hontiveros nga awan iti complex iti Senado dagiti minority senator ken dagiti staff ken empleadoda idi napasamak iti nagsasaruno a panagpaputok idi rabii iti Mierkules ta nalpasen iti session.
Segun ti senadora, pimmanaw isuna iti Senado gapu iti maysa a naka-schedule a conference iti probinsia.
Impaganetgetna a saan nga aramaten ti panagpulitika ti panagawid dagiti empleado iti Senado a napudno nga agak-akem iti trabahoda.
Pakaladingitan pay ni Hontiveros ti insidente a pammaltog iti Senado a nangiladawanna a “The People’s House”.
Kinunana a ti institusyon a pakaar-aramidan dagiti linteg ken pangdepdepensaran dagiti karbengan ket arigna maysa a “shooting range” a nangrugit iti talek iti publiko.
Nagpanawagan ni Hontiveros ken ni Senador dela Rosa a makitinnulong kadagiti otoridad maipanggep ti warrant-na tapno maliklikan ti kinaranggas ken tensyon iti uneg ken ruar iti Senado.
