Agyamyaman ni Senador Ronald ‘Bato’ dela Rosa ti pannakaisubli iti P50 billion nga allocation fund para iti modernization program ti Armed Forces of the Philippines (AFP) iti sumaruno a tawen.
Maipalagip nga iti House version ti budget bill, nakissayan ti P10 billion ti AFP modernization program, ngem iti bersion nga inaprobaran ti upper house, naisubli a P50 billion.
Segun ken ni Dela Rosa, babaen iti daytoy a pondo, sigurado a maaddaan ti AFP iti ad-adu pay a moderno nga alikamen.
Kinunana a mangpaadu pay iti moral dagiti soldado agsipud ta mariknada ti suporta para iti depensa ti pagilian.
Kabayatanna, inakseptar ni Senador Bato a saanen a maipangato ti naisingasing a 2025 budget ti Office of the Vice President (OVP).
Innayonna a no saan a limmasat iti senado, saan metten ti Bicam.Innayonna a no saan a limmasat iti senado, saan metten ti Bicam.
