--Ads--
Balligi ti pannakaipatungpal ti search warrant operation iti pagtaengan ni Pablo Arellano Tenedor Jr., agtawen iti limapulo, mannalon, taga-Barangay Miramar, Magsingal, Ilocos Sur.
Ni Tenedor Jr ket sumangsango iti kaso a panaglabsing iti Republic Act 10591 nga inruar ti RTC, Branch 24, Cabugao.
Iti pannaki-uman ti Bombo Radyo Vigan ken ni Police Captain Melvin Trinidad, masansan a maresrespondean ti suspek iti lugarda gapu iti masansan a panagpaputokna iti paltog tunggal makainom.
Nakumpiskar iti uneg ti pagtaenganna ti pito a piraso ti mapaati a bala ti caliber 45 ken maysa a black holster a dagitoy ket naikustodian iti kapulisan para iti proper disposition.
-- ADVERTISEMENT --
