--Ads--

Naisayangkat ti search warrant operation iti pagtaengan ti maysa a Regional Target iti salinong ti COPLAN WHITE STONE ken PDEA Provincial Priority Target nga agnaed iti ili ti Cabugao.

Ti suspek ket maysa a High Value Individual, agtawen iti tallopulo ket walo, naasawaan, ken truck driver.

Insayangkat dagiti operating units iti search warrant a nairuar idi July 7 babaen ti Presiding Judge iti Regional Trial Court Branch 24 – Cabugao gapu ti panaglabsing ti suspek ti Republic Act 9165 wenno Comprehensive Dangerous Drugs Act of 2002.

Ti operasyon ket nakaalaan iti drug evidence a nasurok-kumurang maysa a gramo iti mapapati a shabu nga aggatad ti P6,800 a naipan iti maysa a piraso iti heat-sealed transparent plastic sachet.

-- ADVERTISEMENT --

Naala pay ti non-drug evidence a maysa a piraso ti lighter, maysa a piraso ti plastic straw ken naaramat nga aluminum foils.

Iti agdama, sapsapulen dagiti otoridad ti nasao a suspek.