Namnamaen ti Schools Division Office – Laoag a magun-odda manen iti overall champion iti R1AA wenno Region 1 Athletic Association Meet ta isuda iti kampeon iti agsaruno a dua a tawen.
Iti pannaki-uman ti Bombo Radyo Vigan ken ni John Paul Viernes a Chief Education Supervisor iti DepEd Laoag, napalaus ti panagsaganada para ita a tawen ta uppat a bulan iti panagsanayda ta nangrugida idi December 8, 2025 ken nagleppas idi March 31, 2026.
Segun ken ni Viernes, naaddaanda iti academic intervention a kas iti panagaramat iti ADM module ken learning continuity plan tapno agtultuloy iti academic engagement dagiti atleta bayat ti panagsanayda.
Nagyaman ni Viernes iti nabara a panangpasangbay iti Ilocos Sur kadakuada kangrunaan iti Candon City a host ita a tawen ken ti nagtalinaedanda a pagadalan iti ili ti Sta. Maria.
