Impaganetget ni Senador Bam Aquino nga ikkan priyoridad ti Committee on Basic Education ti panagbalin a linteg ti gakat nga School Safety Act.
Daytoy ket gapu ti agsasaruno nga insidente ti kinaranggas iti sumagmamano a pagadalan iti intero a pagilian.
Gagem ti gakat a mangpapigsa ti seguridad iti campus ken tapno maprotektaran dagiti estudyante.
Segun ken ni senador Aquino, napalawa ti sakop ti gakat kalpasan ti pammaltog idiay San Jose National High School, Tacloban City, pammagkong iti iruar ti maysa nga high school idiay Negros Occidental, ken dadduma pay nga insidente ti kinaranggas iti uneg ken aglawlaw ti pagadalan.
Kabayatanna, pinasingkedan ti senador nga agipila pay isuna ti gakat tapno repasoen ken amyendaran ti Juvenile Justice and Welfare Act, tapno papigsaen dagiti probision ti linteg mainaig kadagiti menor de edad a karaman iti heinous crime.
