Lapdan ni Sen. Risa Hontiveros ti panagbaba ti tawen dagiti agtutubo a nakaaramid iti krimen a mabalin a makasoan ken maibalud.
Segun ken ni Hontiveros, iti baet a saan nga umanamong ket pabor isuna a simpaen ken i-evaluate ti Juvenile Justice and Welfare Act.
Kinuna pay ti senadora a no kasapulan a maamyendaran ti linteg tapno papigsaen ti mandato ken suportar iti nakomkomprehensibo ken epektibo nga intervention ken diversion programs para kadagiti children in conflict with Law (CICL) kangrunaan kadagiti nakaaramid iti nakaam-ames a krimen ket anamunganna.
Maipalagip nga immunan a nagpanawagan ti ina ti biktima a ni Joyancee Separa a natay iti Tacloban City school shooting a kayatna nga ibaba ti minimum age of criminal responsibility wenno tawen dagiti ubbing a mabalin a makasoan.
