Heartbroken ni Pres. Ferdinand Marcos Jr. iti napasamak a trahedya iti pammaltog iti uneg ti maysa a pagadalan idiay Tacloban City.
Maibasar iti panangiladawan ni Palace Press Officer Atty. Claire Castro, heartbroken ni Pres. Marcos ta ubbing ti nangaramid iti krimen ken dagiti inosente nga agtutubo dagiti biktima.
Kinunana a narigat a maawat ta agtutubo dagiti karaman iti krimen isu a rumbeng a mabigbig no ania iti pagtataudan iti kas iti nasao a tignay.
Impaganetget ni Castro a saan a rumbeng a palabsen dagiti nasao a pasamak isu nga imbilin ti presidente nga amwen ti nagtaudan ti nasao a klase iti galad wenno tignay dagiti agtutubo.
Pagtigtignayen ti presidente dagiti maseknan nga ahensya ken mangipatungpal dagiti addang tapno maliklikan iti kas iti nasao a klase ti kinaranggas kangrunaan dagiti pagadalan a nakairamanan dagiti menor de edad.
