--Ads--
Pinasingkedan ti Philipine National Police (PNP) nga agtultuloy iti imbestigasyonda iti pannakatay ti vlogger a ni Alicia “Mima Alicia” Lipata ken kitkitaenen dagiti otoridad iti amin a posible a motibo iti krimen.
Segun ken ni PNP Spokesperson PCol. Allan Rae Co, karaman a kitkitaen dagiti imbestigador ti panag-vlog ni Lipata dagiti aktibidad, political leanings, negosyo ken personal a biagna.
Nasikat ni Lipata kas BBM vlogger wenno supporter ti administrasyon ni Pres. Ferdinand Marcos Jr. a nagaramid kadagiti political commentary.
Pinaltogan isuna dagiti saan a nabigbig a naglugan iti motorsiklo iti ruar iti pagtaenganna idiay Barangay 171, Caloocan City iti parbangon iti July 17 a gappuanan ti pannakatayna ken nakadunoran ti partner-na.
-- ADVERTISEMENT --
