Nangipaay ti nasurok P1 milyon a tulong pinansyal ni Presidente Ferdinand Marcos Jr kadagiti biktima ti pammaltog idi Hunyo 22 idiay San Jose National High School, Tacloban City.
Daytoy ti impakaammo ni Palace Press Officer Atty. Claire Castro iti press briefing na iti Malakanyang.
Segun ken ni Castro, maka-awat ti sag P150, 000 ti pamilia dagiti tallo a natay nga estudyante ken sag-P50, 000 met para kadagiti sangapulo ket walo a nadunor iti pammaltog ti dua a menor de edad a suspek.
Kalaksidan pay daytoy ti immuna nga impaay ti sumagmamano nga ahensia ti gobierno kas ti Department of Social Welfare and Development ken Department of Education.
Innayon ti opisial nga awan ti katukad ti biag ti maysa a tao nga isu nga ipat-pateg ti presidente ti tunggal biag ti umili.
