Pinasingkedan ni Department of Social Welfare and Development a naduktalan dagiti social worker nga adda discernment ti agtawen 15 a suspek iti pammaltog iti maysa a pagadalan idiay Tacloban City a nakatayan ti tallo nga estudyante.
Ti nadakamat nga assessment ket maipasa iti korte nga isu ti agdesision no awaten da daytoy kas basaran iti pannakaipila ti kaso.
Ur-urayen ti DSWD ti resulta ti psychological assessment ti agtawen 15 ken 14 a suspek tapno makabukel ti maiyannatop nga intervention program.
Immunan a nangipila ti kaso a kriminal dagiti otoridad kontra iti agtawen ti 15 a suspek, idinto nga exempted met iti criminal liability ti agtawen 14 a suspek iti salinong ti Juvenile Justice and Welfare Act.
Kabayatanna, impaganetget ni Gatchalian a nakasagana ti DSWD a makipaset iti panangtratar ti gakat nga ibaba ti tawen ti criminal liability.
