Kinumpirmaran ni Sarah Discaya nga isuna ti nakinkukua kadagiti siam a construction company a nakaala iti flood control projects ti Department of Public Works and Highways.
Karaman kadagitoy a kompania ti St. Gerrard General Contractor and Development Corp., St. Timothy Construction Corp., Alpha & Omega Gen. Contractor, Elite General Contractor and Development Corp., ken St. Matthew General Contractor & Development.
Malaksid dayta, kukuana pay ti Great Pacific Builders and General Contractor, YPR General Contractor and Construction Supply, Amethyst Horizon Builders and General Contractor & Dev’t Corp., ken Way Maker OPC.
Segun ken ni Discaya, nakurang 400 a proyekto ti naala dagiti kompania iti Department of Public Works and Highways (DPWH) manipud 2022 agingga 2025.
Kunana pay a tinawenda a sumalsali iti bidding dagiti nadumaduma a proyekto iti pasdek, kalsada ken flood control iti intero a pagilian.
Natalek met a nangsungbat nga awan ti ghost project idi saludsoden ni Senate President Pro Tempore Jinggoy Estrada.
