Nagpa-ayab ni House Majority Leader ken Ilocos Norte Rep. Sandro Marcos ti maysa a congressional briefing mainaig iti kumarkaro a tension idiay Middle East tapno masigurado ti kasasaad dagiti overseas Filipino worker (OFW) iti rehiyon.
Pinasingkedan ni Marcos a ti kina-adu a bilang dagiti OFW idiay Middle East ket masapul a masigurado ti kinatalged dagiti Pilipino iti rehiyon ken nasken a maikkan isuda ti suporta manipud ti gobierno.
Innayon ti opisial a kayat na a maaddaan ti full briefing mainaig iti sitwasion ken tapno makita ti kinasagana dagiti ahensia a mangipaay ti tulong.
Ti liderato ni House of Representatives iti panangidaulo ni Speaker Faustino Dy III ket imbilin ti House Committees on Foreign Affairs ken on Overseas Workers Affairs nga agisayangkat ti briefing tapno makaala ti update iti sitwasion ti rehiyon ken ti kinasagana ti gobierno a tumulong kadagiti Pilipino iti apektado a lugar.
