Impasigurado ti Philippine Health Insurance Corporation (PhilHealth) nga adda coverage dagiti miembro da para iti sakit gapu iti nabara a panawen, bayat a ngumatngato ti temperatura ita a dry season.
Pinasingkedan ti PhilHealth a mabalin a mausar ti inpatient benefit packages para iti kadawyan a sakit iti nabara a paniempo iti amin a PhilHealth-accredited hospitals iti intero a pagilian tapno maikkatan ti gastos dagiti pasiente.
Karaman iti sakop ti heat stroke, heat exhaustion, heat collapse, heat cramp ken sunstroke, heat fatigue, dadduma pay nga epekto ti nabara a paniempo, ken moderate agingga severe dehydration.
Impakaammo ti ahensia a dagiti emergency nga agkasapulan ti medikal, pakairamanan dagiti kaso nga adda pakainaigan na iti nabara a paniempo ket sakop ti Outpatient Emergency Care Benefit (OECB) package na available kadagiti accredited Level 1 agingga 3 nga ospital.
