--Ads--
Inayon ti House Prosecution panel iti ebidensia da dagiti asset ni Vice President Sara Duterte a saan a maipagarup a naikabil iti Statement of Assets, Liabilities and Net worth (SALN).
Daytoy ket tapno mapaneknekan dagiti alegasion ti unexplained wealth ni VP Sara.
Segun ken ni House prosecutor ken Bicol Saro party-list Rep. Terry Ridon, karaman dagiti sanikua ti bise presidente ti ipasa dagiti prosecution panel iti pre-trial brief.
Inlawlawag ni Ridon a maysa kadagiti basaran ti saan a maipalawag a baknang ti alegasion a saan nga indeklarar ni Duterte ti amin a sanikua na iti SALN.
-- ADVERTISEMENT --
Innayon ti agpampanday linteg a ti nadakamat nga asset ket saan a natratar iti impeachment proceedings ti House Committee on Justice.
