VIGAN CITY – Rumbeng nga isubli dagiti naikkan iti tulong pinansyal iti salinong ti Social Amelioration Program no saanda a kwalipikado iti nasao a programa.
Iti pannaki-uman ti Bombo Radyo Vigan ken ni Department of Social Welfare and Development Regional Information Officer Darwin Chan, maibasar iti post validation iti DSWD ket adda iti nakitada a saan a rumbeng a makaala iti nasao a cash aid.
Segun ken ni Chan, nasaysayaat no isubli da laengen iti nasao a tulong pinansyal ta ti kangrunaan a mangsubat iti pannakairamanda iti listaan ket ti Local Government Unit pakairamanan dagiti Barangay Council.
Nu man bilang a mapaneknekan a saan a rumbeng a makaawat ti maysa a benepisyaryo ket makisarita ti LGU kadagiti benepisyaryo nga isublida iti cash aid ket maaddaan iti promissory note a maisubli iti nasao a tulong pinansyal.
