Pinasingkedan ti Department of Education (DepEd) a ti full execution iti napapigsa a senior high school program ket maisayangkat inton sumaruno a tawen.
Segun ken ni DepEd Undersecretary Gina Gonong, ti pilot testing ket maisayangkat kadagiti walogasut uppat a pulo ket maysa a pagadalan uta a tawen babaen iti makipaset a limagasut walopulo a pampubliko a pagadalan ken duagasut innem a pulo ket maysa a pribado a pagadalan.
Kinunana a tallopulo ket lima a pilot school ket iti rural areas.
Ti panagbaliw ti SHS program ket pakairamanan ti decongested curriculum ken ad-adu a work immersion hours.
Makissayan pay ti core subjects manipod iti sangapulo ket lima nga agbalin a lima isu ti Effective Communication, Life Skills, General Mathematics, General Science ken Pag-aaral ng Kasaysayan at Lipunang Pilipino.
Dagiti dua nga elective subjets ket mabalin para ti Grade 11 students idinto a kadagiti Grade 12 learners ket addaan iti pito nga elective subjects.
Ti work immersion hours ket nagbalin a 640 manipod iti 340.
Kabayatanna, nabilin ti National Educators Academy of the Philippines a sanayen dagiti mangisursuro a sakup iti pilot implementation.
