Valeriano, pinasingkedanna a kasla loklokwen ti oil companies dagiti umili iti P1 rollback iti petrolyo

Binanatan ni Manila Rep. Rolando Valeriano kadagiti kompania iti langis a mangipakpakaammo a maaddaan iti P1 a kissay iti presyo dagiti produkto petrolyo.

Binabalaw ni Valeriano ti P15 agingga P18 iti nayon a presyo iti gasolina idi napalabas a lawas.

Ngem ita a nagpakaammo iti oil company iti rollback ket kasla loklokwenda dagiti umili.

Maipalagip a nagsasaruno iti panagpangato iti presyo dagiti produkto petrolyo gapu iti tensyon idiay Middle East.