VIGAN CITY- Patien ni Act Teachers Partylist Rep. Antonio Tinio nga inaklonen ti kampo ni House Speaker Gloria Macapagal Arroyo a peke ti pannakabotos na kas house speaker ta kasapulan pay nga agpaapprubar da ti resolusyon tapno maiserrek iti house of records ti pannakapili na.
Ti eksklusibo a pannakiuman ti Bombo Radyo Vigan kenni Representive Tinio, inbaga na a saanen a kasapulan pay ti house resolution 2025 no opisyal kuma ti pannakapili ni Arroyo isu a nainget iti panangkontra da ta pammaneknek a ti napasamak a panagpipili iti rabii kalpasan ti State of the Nation Address ni Presidente Rodrigo Duterte ket saan a paset iti official proceeding ti kamara.
Inpaganetget met ti agpanpanday linteg a gapu ti personal nga interes ken panagiinnagawan ti posisyon idiay kamara ket saanen a masursurot dagiti pagallagadann idiay kamara ket maap-apektaran ti trabaho da ta saan dan a matratar ken maadal dagiti nakapila a gakat
Ti sabali a bangir ket inaklon ni Tinio nga awan ti rason tapno makitinnulong ti Macabayan Bloc kada dati a House Speaker Pantaleon Alvarez ken dati a Majority Leader Rodolfo Fariñas ta suportado dagiti dwa a dipotado ti adbokasiya ti Duterte administration a Charter Change a nainget met a konkontraen ti Macabayan Bloc.
