Immapela ni Senador Ronald “Bato” Dela Rosa iti Senado a tignayanen ti resolusyon nga impila ti Duterte Bloc a mangallukoy a suportaran iti panang-house arrest ken ni dati a President Rodrigo Duterte idiay The Hague, Netherlands.
Ti panangallukoy ti agpampanday linteg kadagiti kakaduana iti Senado ket kasaruno ti naaramid a welfare check dagiti kameng ti Philippine Embassy idiay The Hague.
Ti privilege speech ni Dela Rosa ket nagbalin nga emosyonal ken arigna makasangit idi nakswestyunaran iti naaramid a welfare check ken ni Duterte nga insuko iti gobierno ken impabaludda iti International Criminal Court (ICC).
Insaludsud ni Dela Rosa nu kasanu a mapangnamnamaan ti maysa a lawful welfare check nu saan met a nasurot idi ti legal procedure idi naisuko ni dati a President Duterte.
Kinunana a nu talaga a kayatda nga isakit ni Duterte ket nasaysayaat a suportaran dagiti senador ti resolusyon a naipila para iti panag-house arrest iti dati a presidente.
Mangnamnama ni Dela Rosa nga inton Lunes ket maaprubaran ti nasao a resolusyon kangrunaan ket nangipakitan ti suportar dagiti miembro ti majority bloc.
