Impaganetget ni House prosecutor ken Bicol Saro Rep. Terry Ridon nga adda umdas a bileg ti Senate impeachment court tapno lukatan ti nakaselyo a karton ti Bureau of Internal Revenue (BIR) a naglaon kadagiti tax record ni Vice President Sara Duterte, ti asawana a ni Atty. Manases Carpio ken dagiti negosyoda.
Segun ken ni Ridon, ti impeachment proceedings ket maisina a proseso iti konstitusyonal isu a saan a kasapulan a mangnamnama dagiti specific a nakalanad iti BIR Code tapno malukatan dagiti dokumento.
Kinunana nga immunan a timpuar ti nasao a patangan iti House Justice Committee idi nagdanag ti BIR ti panagiggem kadagiti tax record.
No pay kasta, impaganetget iti sumagmamano nga agpampanday linteg a ti impeachment ket saan a maysa a legislative inquiry no diketdio maisina iti akem ti kongreso.
