Rep. Leviste, nabalakadan nga agpa-blotter mainaig iti mapapati a death threats a naawatna

Binalakadan ni Palace Press Officer Atty. Claire Castro ni Rep. Leandro Leviste nga agpa-blotter no adda pangta iti biagna.

Dayta ket kasaruno iti emosyonal a panangibaga ti kongresista nga adda maaw-awatna a death threats mainaig iti Cabral files ken kadagiti ammona iti flood control project.

Segun ken ni Castro, adda abogado ni Leviste isu nga agpa-blotter daytoy no pudno nga adda mangpangpangta iti biagna.

Innayon ti opisial nga ipakita ni Leviste dagiti text wenno pagibasaran iti ibagbagana a pangta iti biagna.